umu amakuru- Nyuma ya Olivier Karekezi, abakinnyi Rutanga Eric na Mukunzi Yannick batawe muri yombi | Umusingi

Nyuma ya Olivier Karekezi, abakinnyi Rutanga Eric na Mukunzi Yannick batawe muri yombi

Views:
148

Rutanga Eric na Mukunzi Yannick basanzwe bakinira ikipe ya Rayon Sports, batawe muri yombi na Polisi y’u Rwanda ikorera mu mujyi wa Kigali, mu ijoro ryo kuri iki Cyumweru tariki 19 Ugushyingo 2017. Batawe muri yombi nyuma y’iminsi micye umutoza wabo nawe arimo gukurikiranwa n’ubugenzacyaha.

Rutanga Eric na Yannick Mukunzi basanzwe babana ku Kicukiro mu murenge wa Niboye, bombi batawe muri yombi mu ijoro ryo kuri iki Cyumweru. Umusore babanaga yabwiye ikinyamakuru Ukwezi.com ko bafashwe mu bihe bitandukanye ariko mu masaha yegeranye, nyuma yo kuva mu mukino bari bakinnye n’ikipe ya Mukura Victory Sports.

Umuvugizi mukuru wa Polisi y’u Rwanda, ACP Theos Badege, yabwiye ikinyamakuru Ukwezi.com ko ari bwo akimenya iby’aya makuru, ko ibindi aza kubidutangariza mu gihe cya vuba amaze kubimenya neza byose.

Ikipe ya Rayon Sports iri mu bihe bitayoroheye, kuko uwari umutoza wayo mukuru, Karekezi Olivier yatumijwe na Polisi ku gicamunsi cyo kuwa Gatatu tariki 15 Ugushyingo 2017, aho amaze iminsi arimo gukurikiranwa n’ubugenzacyaha ku byaha akekwaho byakozwe hifashishijwe ikoranabuhanga nk’uko Polisi yabitangaje. Ifatwa rya Karekezi kandi rikaba ryaraje risanga abayobozi, abakinnyi n’abafana ba Rayon Sports bari mu gahinda kubera urupfu rwa Katauti wari umutoza umwungirije muri iyi kipe, uyu akaba aherutse gupfa mu buryo butunguranye.

Ibijyanye n’icyaha Rutanga Eric na Yannick Mukunzi bakurikiranyweho turabibagezaho mukany

 

 

About author

Related Articles

Leave a reply

Your email address will not be published. Required fields are marked *